ریاض :سعودی عرب کے محکمہ پاسپورٹ نے حج کی ادائیگی کے بعد حجاج کرام کی واپسی کی تیاریاں مکمل کرنے کا اعلان کیا ہےمحکمہ پاسپورٹ نے بتایا ہے کہ حجاج کی روانگی کے عمل کو آسان بنانے کے لیے جدید سکیورٹی سسٹمز کی مدد سے انسانی صلاحیتوں اور ٹیکنالوجی کا بھرپور استعمال کیا گیا ہے۔ تمام زمینی، فضائی اور بحری پورٹس پر حجاج کی روانگی کے طریقہ کار کو حتمی شکل دے دی گئی ہے۔
یاد رہے کہ رواں سال مجموعی طور پر 16 لاکھ 73 ہزار 230 افراد نے فریضہ حج ادا کیا۔ ان میں سے 15 لاکھ 6 ہزار 576 حجاج بیرون مملکت سے سعودی عرب آئے، جبکہ ایک لاکھ 66 ہزار 654 داخلی حجاج تھے۔
اندرون و بیرون ملک سے آنے والے حجاج میں مردوں کی تعداد 8 لاکھ 77 ہزار 841 اور خواتین کی تعداد 7 لاکھ 95 ہزار 389 تھی۔
