کولمبو: سری لنکا کے پاکستان کیخلاف دوسرے ٹیسٹ میں 4 کھلاڑی پویلین لوٹ گئے ۔
کولمبو: آئی سی سی ٹیسٹ چیمیئن شپ کے تحت کھیلے جا رہے دوسرے ٹیسٹ میچ میں سری لنکا کی پاکستان کے خلاف 36 رنز پر چوتھی وکٹ گر گئی۔
سری لنکا نے بیٹنگ شروع کی تو 9 رنز کے اسکور پر اوپنر نشان مدوشکا رن آوٴٹ ہوگئے، انہوں نے 4 رنز بنائے۔ انکے بعد آنے والے کسال مینڈس 6 رنز بنا کر شاہین شاہ آفریدی کی گیند پر کیچ تھما بیٹھے۔
سری لنکا کی تیسری وکٹ 35 کے مجموعی اسکور پر گری، یہاں اینجلو میتھیوز 9 رنز بنا کر نسیم شاہ کی گیند پر کیچ ا?وٴٹ ہوئے۔ کپتان دیموتھ کرونارتنے 17 رنز بنا کر نسیم شاہ کی گیند پر بولڈ ہوگئے۔
میچ کولمبو میں کھیلا جا رہا ہے جبکہ بارش کے باعث پہلے روز کا کھیل تاخیر سے شروع ہوا۔
سری لنکاکے خلاف دوسرے ٹیسٹ میچ میں پاکستان نے اپنی ٹیم میں کوئی تبدیلی نہیں کی جبکہ سری لنکا کی جانب سے بائیں ہاتھ کے بولر دلشان مادو شناکا ٹیم میں ڈیبیو کر رہے ہیں۔ اس کے علاوہ ٹیم میں اسیتھا فرنینڈو کو شامل کیا گیا ہے۔
پاکستان کے اسکواڈ میں عبداللہ شفیق، امام الحق، شان مسعود، کپتان بابر اعظم، سعود شکیل، وکٹ کیپر سرفراز احمد، سلمان علی ا?غا، نعمان علی، ابرار احمد، شاہین شاہ آفریدی، نسیم شاہ شامل ہیں ۔
سری لنکاکے اسکواڈ میں نشان مدوشکا، کپتان دیموتھ کرونارتنے، کسال مینڈس، اینجلو میتھیوز، دنیشن چندیمل، دھننجیا ڈی سلوا، سدیرا سماراوکراما، رمیشن مینڈس، پراباتھ جے سوریا، دلشان مادو شناکا، اسیتھا فرنینڈوشامل ہیں ۔
