جدہ: نائب وزیراعظم و وزیر خارجہ سینیٹر محمد اسحاق ڈار نے 21ویں غیر معمولی اسلامی تعاون تنظیم (OIC) کے وزرائے خارجہ اجلاس کے موقع پر بنگلہ دیش کے مشیر برائے خارجہ امور، محترم محمد توحید حسین سے ملاقات کی۔ یہ ملاقات ان کے حالیہ دورہ بنگلہ دیش کے دوران ہونے والی تفصیلی گفتگو کے بعد ہوئی۔
دونوں رہنماؤں نے فلسطین کے حق میں یکجہتی کا اظہار کیا اور انسانی امداد کی بلا رکاوٹ فراہمی، مستقل جنگ بندی اور دو ریاستی حل کے ذریعے دیرپا امن کی ضرورت پر زور دیا۔
پاکستان اور بنگلہ دیش کے تعلقات میں نئی پیش رفت کا اعادہ کرتے ہوئے دونوں ملکوں نے مختلف شعبوں میں تعاون کے مثبت نتائج کی توقع ظاہر کی اور دوطرفہ تعلقات کو مضبوط بنانے اور علاقائی تعاون کو فروغ دینے کے لیے قریبی رابطے پر اتفاق کیا۔
