اسلام آباد:پاکستان تحریک انصاف نے شیر افضل مروت کو غیر ذمہ دارانہ بیانات دینے پر شوکاز نوٹس جاری کردیا۔ شوکاز نوٹس میں واضح کیا گیا ہے تین دن کے اندر آپ نے جواب نہ دیا یا مطمئن نہ کر سکے تو پارٹی ڈسپلن کے تحت مزید کاروائی عمل میں لائی جائے گی۔
پی ٹی آئی نے شیر افضل مروت کو شوکاز نوٹس جاری کر دیاشو کاز نوٹس سیکرٹری جنرل عمر ایوب نے جاری کیا۔
شیر افضل مروت کو غیر ذمہ دارانہ بیانات دینے پر شوکاز نوٹس جاری کیا گیا۔ شوکاز نوٹس میں کہا گیا ہے ایسے بیانات سے پارٹی کی ساکھ کو نقصان پہنچا۔ بانی تحریک انصاف کے واضح احکامات ہیں کہ غیر ذمہ دارانہ بیانات نہ دیے جائیں، آپ کے کردار سے پارٹی اور ارکان کو ہزیمت اٹھانا پڑی۔
نوٹس کے مطابق شیر افضل مروت سے 3 روز میں وضاحت طلب کی گئی ہے اور کہا گیا ہے کیوں نہ آپ کے خلاف تادیبی کاروائی کی جائے۔ اگر آپ نے جواب نہ دیا یا مطمئن نہ کر سکے تو پارٹی ڈسپلن کے تحت مزید کاروائی عمل میں لائی جائے گی۔
