Home نیوز پاکستان ملک بھر میں شب قدر پر خصوصی عبادات، روح پرور محافل،عالم اسلام،ملکی سلامتی کے لئے دعائیں

ملک بھر میں شب قدر پر خصوصی عبادات، روح پرور محافل،عالم اسلام،ملکی سلامتی کے لئے دعائیں

Share
Share

لاہور :ہزار مہینوں سے افضل رات، شب قدر کے موقع پر پاکستان بھر میں خصوصی عبادات ، روح پرور محافل کا اہتمام کیا گیا جن میں عالم اسلام، پاکستان کی سلامتی ، امن و امان کیلئے خصوصی دعائیں کی گئیں۔

`شہر بھر کی مساجد میں نماز تراویح میں ختم قرآن کے اجتماعات میں علما نے شب قدر کے فضائل بیان کیے، محافل شبینہ و جشن نزول قرآن، صلوٰۃ التسبیح، قصیدہ بردہ شریف ، ختم درود شریف اور اللہ تعالیٰ کے حضور عالم اسلام، پاکستان کی سلامتی ، امن و امان کیلئے خصوصی دعائیں کی گئیں۔

شب قدر کے موقع پر خواتین نے گھروں اور مرد حضرات مساجد میں عبادت کا اہتمام کیا، روح پرور محافل کے دوران نماز تراویح میں قرآن سنانے والے حفاظ کرام کو انعام و کرام سے نوازا گیا، مٹھائیاں تقسیم کی گئیں۔

خیال رہے کہ لیلۃ القدر رمضان المبارک کے آخری عشرے کی طاق راتوں میں سے ایک نہایت ہی بابرکت رات ہے جسے شب قدر اور برکت والی رات کے نام سے یاد کیا جاتا ہے، لیلۃ القدر میں عبادت کا ثواب ہزار مہینوں سے بہتر ہے۔

لاکھوں مسلمان اس رات اللہ تعالیٰ کے حضور سجدہ ریز ہو کر نوافل کی ادائیگی اور قرآن پاک کی تلاوت و دیگر عبادات میں مصروف رہتے ہیں اور رب العزت سے اپنے گناہوں کی معافی کے ساتھ ساتھ ملکی سلامتی و استحکام کی دعائیں مانگتے ہیں۔

Share
Related Articles

ایس پی عائشہ بٹ ایکسی لینس پرفارمنس ایوارڈ 2025 کیلئے منتخب

لاہور: پنجاب پولیس کی خاتون افسر نے عالمی اعزاز کیلئے منتخب ہو...

عیدالفطر کا آج تیسرا روز ،گہما گہمی عروج پر، موج مستی آج بھی جاری

ملک بھر میں عیدالفطر کا آج تیسرا روز ہے، لوگ خوشیاں منا...

کراچی کے مختلف علاقوں میں زلزلے کے جھٹکے

کراچی: کراچی کے مختلف علاقوں میں زلزلے کے جھٹکے محسوس کئے گئے۔...

تنازعات کے بھنور میں پھنسے پاکستانی یوٹیوبر رجب بٹ نے پاکستان چھوڑ دیا

تنازعات کے بھنور میں پھنسے پاکستانی یوٹیوبر رجب بٹ نے اپنے حالیہ...