ٹی ٹونٹی ورلڈ کپ سپرُ ایٹ مرحلہ، آج پاکستان انتہائی اہم میچ میں انگلینڈ کے مدمقابل ہوگا

کینڈی :ٹی ٹوئنٹی ورلڈ کپ کے سپر ایٹ مرحلے میں پاکستان آج اپنا دوسرا میچ آج انگلینڈ کے خلاف کھیلے گا۔

کینڈی میں کھیلا جانے والا میچ شام ساڑھے چھ بجے شروع ہوگا اور پی ٹی وی سپورٹس ایچ ڈی پر براہ راست دکھایا جائے گا۔ قومی کرکٹرز نے میچ کےلئے تیاریوں کو حتمی شکل دے دی۔ کھلاڑیوں نے پالی کیلے سٹیڈیم میں پریکٹس سیشن کیا، بیٹنگ، باؤلنگ اور فیلڈنگ کے شعبوں میں اپنی صلاحیتیں نکھارنے پر بھرپور توجہ دی۔

سپر ایٹ مرحلے میں پاکستان اور نیوزی لینڈ کے درمیان میچ بارش کی نذر ہوگیا تھا جس کے باعث دونوں ٹیموں کو ایک، ایک پوائنٹ مل گیا۔