شکر ہے مقصود چپڑاسی کے اکاؤنٹ کا مقدمہ بھی چیئرمین پی ٹی آئی پر درج نہیں کروادیا،حماد اظہر

لاہور:پاکستان تحریک انصاف کے رہنما حماد اظہر کا وزیراعظم شہباز شریف کے بیٹے سلیمان شہباز کی بریت پر ردعمل سامنے آ گیا ۔

منی لانڈرنگ کیس میں سلیمان شہباز کو بری کردیا گیا، اسپیشل سینٹرل کورٹ نے تمام شریک ملزمان کو بھی بری کردیا۔

سماجی رابطے کی ویب سائٹ ٹویٹر پر اس حوالے سے رد عمل دیتے ہوئے حماد اظہر نے کہا کہ شکر ہے مقصود چپڑاسی کے اکاؤنٹ میں سے جو اربوں روپے نکلے اس کا مقدمہ بھی چیئرمین پی ٹی آئی پر درج نہیں کروادیا اور سلیمان شہباز کو تمغہ امتیاز نہیں سونپ دیا۔