نیویارک سے تعلق رکھنے والے ایک 64 سالہ ذیابیطس کے مریض نے 100 دنوں میں 100 میل تیراکی کرکے اپنے بلڈ شوگر کی سطح کو حیرت انگیز طور پر نارمل کرلیا۔
ڈیو تھورپ کو چند ماہ پہلے ان کے ڈاکٹر نے خبردار کیا تھا کہ انہیں متعدد بیماریوں کی وجہ سے اپنی طرز زندگی کو تبدیل کرنے کی ضرورت ہے۔
ڈیو تھورپ نے بتایا کہ میں موٹا تھا، سست تھا اور بہت زیادہ کھاتاتھا۔ نتیجتاً مجھے ٹائپ 2 ذیابیطس ہو گیا۔ اسکے علاوہ بلڈ پریشر اور کولیسٹرول کے مسائل بھی تھے جس کی وجہ سے میرے ڈاکٹر نے مجھے متنبہ کیا کہ مجھے بہت جلد اپنی طرز زندگی تبدیل کرنے کی ضرورت ہے۔
ڈیو نے رواں سال کے فروری میں تیراکی کو بہتر صحت کیلئے اپنا مقصد بنایا اور گزشتہ جمعے کو یہ ہدف مکمل کیا۔ انہوں نے بتایا کہ یہ میں نے یہ اب تک کے تمام کاموں میں سے سب سے بہتر انتخاب کیا ہے اور اس نے مجھے بہت کچھ سکھایا ہے کہ میں کوئی بھی کام شروع کرنے کے لیے ابھی بھی جوان ہوں۔
انہوں نے یہ بھی کہا کہ تیراکی انٹرنیٹ، سمارٹ ڈیوائسز، ای میلز اور دیگر خلفشار سے دور رہنے کے لیے بھی ایک بہترین مشغلہ ہے۔
