وزیردفاع خواجہ آصف نے کہاہے کہ عمران خان کی گرفتاری میں فوج کا قطعا کوئی کردار نہیں تھا. عمران خان کو فوج یا رینجرز نے گرفتار نہیں کیا تھا۔ تحریک انصاف پر پابندی کو خارچ ازامکان قرار نہیں دیا جا سکتا
پارلیمنٹ ہاوس میں صحافیوں سے گفتگو کرتے ہوئے خواجہ آصف نے کہا کہ رینجرز نے گرفتاری میں پولیس کی مدد کی عمران خان فوجْ پر غلط الزامات لگا رہے ہیں. عمران خان اب فوجی تنصیبات پر حملے کی توجیح پیش کررہے ہیں عمران خان کے الزامات بالکل غلط ہیں. عمران خان لوگوں کو اکسانے اور منظم حملوں کے جواز اور بہانہ تلاش کررہے ہیں۔
خواجہ آصف نے کہا کہ عمران خان فوج کا ان حملوں سے ناتا جوڑ رہے ہیں کیا اس کا مطلب ہے کہ انہوں نے جو کیا درست ہے. تحریک انصاف پر پابندی کے حوالے سے ابھی اتحادیوں سے مشاورت اور بحث و تمحیث شروع نہیں ہوئی. اگر پابندی کی فوری ضرورت پڑی تو اتحادیوں سے مشورہ بھی کرلیا جائے گا۔
انہوں نے کہا کہ تحریک انصاف پر پابندی کو خارچ ازامکان قرار نہیں دیا جا سکتا. تحریک انصاف مذاکراتی کمیٹی بنانے کے ساتھ متبادل کمیٹی بھی بندے اگر مذاکراتی کمیٹی پی ٹی آئی چھوڑ جائے تو کوئی متبادل انتظام بھی ہونا چاہیے ، نوازشریف ضرور پاکستان آئیں گے ۔
