بالی ووڈ اداکارہ نے جان بوجھ کر بوس و کنار کا سین 37 بار ری ٹیک کروایا

ممبئی :بالی ووڈ اداکار کارتک آریان نے ایک انٹرویو میں اس بات کا الزام عائد کیا ہے کہ ساتھی اداکارہ نے ان کے ساتھ بوس و کنار کے سین جان بوجھ کر غلطیاں کیں تاکہ سین ری ٹیک کیا جائے۔
کارتک آریان کا شمار اب بالی ووڈ کے نامور اداکاروں میں ہونے لگا ہے جو کروڑوں دلوں کی دھڑکن ہونے کے ساتھ ساتھ فلم سازوں کا بھی ’ ہاٹ فیورٹ‘ ہے، مگر اس کے کیریئر کی ابتدا عام سے انداز میں ہوئی تھی۔
انہی ابتدائی دنوں کو یاد کرتے ہوئے ہندی فلموں کے اسٹار نے انکشاف کیا ہے کہ ایک فلم میں ان کی ساتھی اداکارہ نے ان کے ساتھ بوس و کنار کا سین شوٹ کرانے کے لئے37 بار ری ٹیک کروایا، تب کہیں جاکر سین فائنل ہوا۔
کارتک آریان کے مطابق یہ سبھاش گھئی کی فلم ”کانچی“ تھی جو 2014 میں ریلیز ہوئی تھی۔ اس فلم میں رشی کپور اور متھن چکرورتی جیسے سینئراداکار بھی شامل تھے۔ اس رومانوی فلم میں کارتک آریان کے مقابل مرکزی اداکارہ مشٹی چکرورتی کے ساتھ بوس و کنار کا ایک سین تھا۔
کارتک آریان نے انکشاف کیا یہ سین 37 مرتبہ ری ٹیک کروانے کے بعد ’اوکے‘ ہوا تھا۔ بالی ووڈ اسٹار نے دعویٰ کیا کہ مشٹی چکرورتی اس سین کے شوٹ کے دوران جان بوجھ کر غلطیاں کررہی تھیں، تاکہ سین ری شوٹ ہو۔ یوں تین درجن ری ٹیک کے بعد بوس و کنار کا یہ سین اوکے ہوسکا۔