نگران حکومت نے مہنگائی میں پسی عوام پرایک اور بڑا پٹرول بم گرادیا

اسلام آباد: نگران حکومت نے ایک بار پھر پٹرولیم مصنوعات کی قیمتوں میں بڑا اضافہ کردیا ہے۔

پٹرولیم مصنوعات کی قیمتوں میں 26.02فیصد فی لیٹر تک اضافہ کیا گیا ہے ۔

وزارتِ خزانہ کی جانب سے جاری کردہ اعلامیہ کے مطابق پٹرول 26.02 روپے جبکہ ہائی اسپیڈ ڈیزل 17.34 روپے فی لیٹر مہنگا کیا گیا ہے۔

نئی قیمتوں کا اطلاق فوری طور پر کردیا گیاہے۔قیمتوں میں اضافہ اگلے پندرہ روز کیلئے کیا گیا ہے۔

قیمتوں میں اضافے کے بعد پٹرول کی قیمت305.36 روپے سے بڑھ کر331.38 روپے فی لیٹر جبکہ ہائی اسپیڈ ڈیزل کی قیمت311.84 روپے سے بڑھ کر329.18 روپے فی لیٹر ہوگئی ہے۔