Home سیاست عسکری تنصیبات پر حملوں کے مقدمات فوجی، سویلین کیسز اے ٹی سی میں چلیں گے،وزیراعظم

عسکری تنصیبات پر حملوں کے مقدمات فوجی، سویلین کیسز اے ٹی سی میں چلیں گے،وزیراعظم

Share
Share

لاہور: وزیراعظم شہباز شریف کا کہنا ہے کہ عسکری تنصیبات پر حملوں کے مقدمات فوجی اور سویلین تنصیبات پر حملوں کے کیسز انسداد دہشت گردی عدالت میں چلیں گے۔

وزیراعظم شہباز شریف کی زیر صدارت لاہور میں اعلی سطح کا اجلاس منعقد ہوا جس میں نگراں وزیراعلی پنجاب، سیکیورٹی حکام نے شرکت کی۔

اجلاس میں وزیراعظم کو 9 مئی میں ملوث تمام کرداروں کی قانونی گرفت کے لیے اب تک کے اقدامات، گرفتاریوں، قانونی پیش رفت پر بریفنگ دی گئی۔

وزیراعظم نے کہا کہ کسی بے گناہ سے زیادتی نہیں ہوگی لیکن کوئی مجرم سزاسے بچ نہ پائے گا۔

انہوں نے کہا کہ عسکری تنصیبات پر حملوں کے مقدمات فوجی اور سویلین تنصیبات پر حملوں کے کیسز انسداد دہشت گردی عدالت میں چلیں گے۔

اجلاس میں آڈیو لیکس کا معاملہ بھی زیر بحث آیا جس پر وزیراعظم نے کہا کہ جوڈیشل کمیشن کی رپورٹ سامنے آنے سے دودھ کا دودھ پانی کا پانی ہو جائے گا۔

اجلاس میں شریک وزیر قانون اعظم نذیر تارڑ نے کہا کہ کمیشن آڈیوز کی حقیقت جاننے کے لیے ان کا فارنزک آڈٹ کرواسکتا ہے، اعلیٰ عدالتوں پر عوام کا اعتماد بنیادی چیز ہے، ججوں کی ساکھ پر کوئی آنچ آئے تو انگلیاں اٹھتی ہیں۔

وزیراعظم نے کہا کہ کابینہ نے کمیشن آف انکوائریز ایکٹ 2017ء کے تحت آڈیو لیکس کمیشن قائم کیا، عمران نیازی نے اپنی ضد اور انا کی وجہ سے ملک کو بہت نقصان پہنچایا، عمران نیازی نے جو ملک کو نقصان پہنچایا اس کی مثال نہیں ملتی۔

شہباز شریف نے وزرا کو ہدایت دی کہ ملک و قوم کو اکٹھا کرنے، حالات بہتر بنانے، اداروں اور عوام میں اعتماد کی فضا برقرار کرنے کے لیے خوب محنت کریں۔

انہوں نے کہا کہ ملک، قوم اور سب ادارے ہمارے ہیں، اس لیے ان میں دراڑیں ڈالنے والے ملک کے خیر خواہ نہیں ہوسکتے۔

شہباز شریف نے ہدایت دی کہ بجٹ میں عوام کو ریلیف دینے کے لیے اقدامات کیے جائیں، مہنگائی کے اس دور میں غریب کو بڑے ریلیف دینے کی کوشش کر رہے ہیں۔

Share
Related Articles

نصیبو لال کی شوہر کے ساتھ صلح ہوگئی،تشدد کا معاملہ حل،مقدمہ واپس لے لیا

مشہور گلوکارہ نصیبو لال پر تشدد کا معاملہ صلح نامے کے بعد...

وزیراعظم کا بجلی صارفین کو ریلیف فراہمی کے لئے پیٹرولیم مصنوعات کی قیمتیں برقرار رکھنے کا فیصلہ

اسلام آباد:وزیرِ اعظم نے بجلی صارفین کو بڑا ریلیف دینے کا دعویٰ...

پیپلزپارٹی سندھ کونسل اجلاس، کینال منصوبے کے خلاف قرارداد متفقہ منظور

کراچی:پاکستان پیپلزپارٹی کی سندھ کونسل نے کینال منصوبے کے خلاف قرارداد متفقہ...

ملک دہشت گردی کی لپیٹ میں ہے اور جعلی حکومت خوابِ غفلت میں پڑی ہے، بیرسٹر سیف

پشاور:مشیر اطلاعات خیبر پختونخوا بیرسٹر ڈاکٹر سیف نے کہا ہے کہ ملک...