اسلام آباد:چیئرمین پی ٹی آئی کو سزا دینے والے جج جوڈیشل کانفرنس میں شرکت کے لیے انگلینڈ روانہ ہوگئے، ایڈیشنل سیشن جج ہمایوں دلاور جوڈیشل ٹریننگ میں شرکت کے لیے لندن گئے، جج کی ٹریننگ میں شرکت کے لیے نامزدگی کا چیف جسٹس کاخط سامنے آگیا
چیئرمین پی ٹی آئی کو سزا دینے والے ایڈیشنل سیشن جج ہمایوں لندن روانہ ہو گئے ، چیف جسٹس نے جج کی جوڈیشل ٹریننگ میں شمولیت کے لیے نامزدگی کی تھی ۔
رجسٹرار اسلام آباد ہائی کورٹ کی جانب سے سیشن جج کو لکھا گیا خط سامنے آگیا ۔
خط کے مطابق جج ہمایوں دلاور پانچ اگست سے 13 اگست تک لندن میں ٹریننگ میں شامل ہوں گے۔یوکے کی یونیورسٹی آف ہل میں ہیومن رائٹس اور رول آف لا پر جوڈیشل کانفرنس جاری ہے۔
خط کے مطابق جج فیضان حیدر گیلانی کی جگہ جج ہمایوں دلاور کو نامزد گیا کیا ہے ،ملک بھر سے ججز کو جوڈیشل کانفرنس میں شرکت کے لیے نامزد کیا گیا ہے۔
