پشاور: میڈیا پر جاری کردہ وزیراعلی گنڈاپور کی خیبر پختونخوا ہاؤس سے باہر نکلنے والی تصویر پر بیرسٹر ڈاکٹر سیف کا بیان سامنے آگیا۔
وزیر اعلیٰ خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے کہا کہ جعلی حکومت کی جعلی تصویر کے بارے میں صرف اتنا کہہ سکتا ہوں کہ ایک تو یہ جاہل ہیں اوپر سے یہ مانتے بھی نہیں، جعلی حکومت کی جاری کردہ تصویر میں کے پی ہاؤس سے نکلتا ہوا شخص خیبر پختونخوا کا وزیر پبلک ہیلتھ پختون یار ہے۔
ڈاکٹر سیف نے کہا کہ پختون یار نے خود اس حوالے سے ویڈیو بیان بھی جاری کیا ہے، وزیراعلی اور پختون یار کی ویڈیو بھونڈے طریقے سے اکٹھے کرکے وزیراعلی کے بارے میں غلط معلومات پھیلا رہے ہیں۔
انہوں نے مزید کہا کہ جعلی حکومت ایک جھوٹ چھپانے کے لئے سو جھوٹ بول رہی ہے۔
