لاہور:پاکستان تحر یک انصاف کے رہنما عمر ایوب کا کہنا ہے کہ پی ٹی آئی میں کوئی بلاک نہیں ہے۔
لاہور کی انسدادِ دہشت گردی کی عدالت کے باہر میڈیا سے گفتگو کرتے ہوئے عمر ایوب نے کہا کہ 26 ویں ترمیم کا طریقہ کار ہی غلط تھا۔
انہوں نے کہا کہ یہ مصنوعی حکومت ملک کو نہیں چلا سکتی۔ملک میں افرا تفری ہے اور بلوچستان کے حالات دیکھ لیں۔
یاد رہے کہ کچھ روز قبل چیئرمین پاکستان تحریکِ انصاف بیرسٹر گوہر علی خان نے کہا تھا کہ تحریک انصاف متحد ہے اور اس میں کوئی فارورڈ بلاک نہیں ہے۔
خیال رہے کہ چند روز قبل سینیٹر فیصل واوڈا نے کہا تھا کہ پلان کے تحت پی ٹی آئی کا ایک بہت تگڑا بلاک بن چکا ہے، جسے ایک زیرک آدمی ہیڈ کرے گا۔
انہوں نے کہا تھا کہ میں نے پہلے ہی کہا تھا کہ ایم کیو ایم پاکستان کی طرح پی ٹی آئی پاکستان بنے گی۔
