نیویارک:سیکرٹری جنرل اقوامِ متحدہ انتونیو گوتریس نے غزہ کو فوری پانی، خوراک اور فیول کی سپلائی کے لیے راستہ دینے کا مطالبہ کر تے ہوئے کہاہے کہ غزہ میں اسکولوں، اسپتال اور اقوام متحدہ مراکز کو نشانہ نہ بنایا جائے۔
ایک بیان میں انتونیو گوتریس کا کہنا ہے کہ غزہ میں اقوام متحدہ کے 92 سہولت مراکز میں 2 لاکھ 20 ہزار فلسطینی پناہ لیے ہوئے ہیں۔ اسرائیلی بمباری کے باعث بے گھر فلسطینیوں کی تعداد 3 لاکھ 38 ہزار سے تجاوز کر گئی ہے۔
سیکریٹری جنرل اقوام متحدہ کا کہنا ہے کہ اقوام متحدہ کا عملہ غزہ کے لوگوں کی مدد کے لیے کام کر رہا ہے۔ مصر نے غزہ کے پناہ گزینوں کو محفوظ راہداری فراہم کرنے سے انکار کر دیا ہے۔ افسوس ہے کہ میرے کچھ ساتھیوں نے غزہ کے لوگوں کی مدد کی قیمت ادا کی ہے۔
غزہ پر مسلسل چھٹے روز اسرائیل کی اندھا دھند بم باری جاری ہے۔خان یونس کے گھر کے ملبے سے 9 بچوں سمیت 18 فلسطینیوں کی لاشیں نکال لی گئیں، جاں بحق فلسطینیوں کی تعداد 1100 سے اوپر چلی گئی۔
