اسلام آباد:وفاقی انتظامیہ نے تحریک لبیک پاکستان (ٹی ایل پی) کے دفاتر، مساجد اور مدارس کے خلاف بڑے پیمانے پر کارروائی کرتے ہوئے متعدد مقامات کو سیل کر دیا۔
ذرائع کے مطابق کارروائی وفاقی دارالحکومت میں امن و امان کی صورتحال کے پیش نظر کی گئی۔انتظامیہ کی ٹیموں نے پولیس کے ہمراہ مختلف علاقوں میں چھاپے مار کر دفاتر اور مساجد کو بند کیا۔سیل کیے گئے مقامات میں ٹی ایل پی کا مرکزی دفتر مری روڈ اٹھال چوک رولر ایریا شامل ہے۔
مدینہ ٹاؤن سملی ڈیم روڈ بھارہ کہو میں واقع ٹی ایل پی آفس بند کیا گیا۔جامع مسجد و مدرسہ انوارِ مدینہ نئی آباد بھارہ کہو کو سیل کر دیا گیا۔مرکزی جامع مسجد محلہ ٹیکری نئی آبادی بھارہ کہو کو بند کیا گیا۔ٹی ایل پی کا یوسی لیول دفتر شاہ پور، سملی ڈیم روڈ بھارہ کہو سیل کر دیا گیا۔مسجد ممتاز قادری، گاؤں اٹھال، سملی ڈیم روڈ بھارہ کہو کو بند کیا گیا۔
جامع مسجد سترہ میل مری روڈ بھارہ کہو سیل کر دی گئی۔یوسی 14 دفتر ٹی ایل پی، مسجد و مدرسہ سیری چوک پھلگراں میں بھی کارروائی کی گئی۔نتظامیہ کے مطابق کارروائی کے دوران امن و امان کی صورتحال کو قابو میں رکھنے کے لیے پولیس کی بھاری نفری تعینات رہی اور کسی ناخوشگوار واقعے کی اطلاع نہیں ملی۔
