سال کا آج طویل ترین دن، طوالت کتنی ہو گی؟

اسلام آباد:آج 21 جون ہے جب سال کا طویل ترین دن اور مختصر ترین رات ہو گی۔

اس حوالے سے چیف میٹرولوجسٹ کا کہنا ہے کہ اسلام آباد میں آج دن 14 گھنٹے 32 منٹ کا ہو گا۔

انہوں نے بتایا کہ اسلام آباد میں آج رات 9 گھنٹے 28 منٹ کی ہو گی۔

چیف میٹرولوجسٹ کے مطابق کراچی میں آج دن 13 گھنٹے 41 منٹ اور رات 10 گھنٹے 19 منٹ کی ہو گی۔

انہوں نے مزید بتایا ہے کہ یکم جولائی کے بعد دن کا دورانیہ بتدریج کم ہونا شروع ہو جاتا ہے۔

چیف میٹرولوجسٹ نے کہا کہ 22 دسمبر کو سال کا مختصر ترین دن اور رات طویل ترین ہوتی ہے۔