کولکتہ:بنگلادیشی کرکٹ ٹیم کے کپتان شکیب الحسن نے کہا ہے کہ کل کا میچ اہم ہے، دونوں ٹیمیں جیتنے کی کوشش کریں گی۔
کولکتہ میں پریس کانفرنس کرتے ہوئے شکیب الحسن کا کہنا تھا کہ نظریں کل کے میچ پر ہیں، اس میں اچھا کر کے جیتنے کی کوشش کریں گے۔
انہوں نے کہا کہ ٹیم میٹنگز میں بات کرتے ہیں کہ موجودہ صورتحال سے کیسے نکلیں؟ اہم بات یہ ہے کہ ہم میدان میں وہ کریں جو ہم پلان کر رہے ہیں۔
انکا کہنا تھا کہ ہمارے لیے کل کا میچ اہم ہے، دونوں ٹیمیں جیتنے کی کوشش کریں گی۔
شکیب الحسن نے کہا کہ میں خود پرفارم کرنے کےلیے بےتاب ہوں، ٹیم کے رزلٹ ہماری گراؤنڈ میں پرفارمنس سے ہی جڑے ہیں۔
بنگلادیشی ٹیم کے کپتان کا کہنا تھا کہ پاکستان سے بہتر کرکٹ کھیلنے کی کوشش کریں گے، کوشش کریں گے کہ اگلے میچز میں اچھا کر کے چیمپئنز ٹرافی میں جگہ پکی کریں۔
