اسلام آباد: قائد حزب اختلاف عمر ایوب نے سکیورٹی فورسز کے قافلے پر دہشتگردوں کی فائرنگ کی شدید مذمت کی۔
اپوزیشن لیڈر عمر ایوب نے فائرنگ کے نتیجے میں کیپٹن اسامہ بن ارشد کے قیمتی جانی نقصان پر گہرے دکھ اور افسوس کا اظہار کیا، اپوزیشن لیڈر نے کیپٹن اسامہ بن ارشد کو دہشتگردوں کا بہادری سے مقابلہ کرتے ہوئے شہادت کے مرتبے پر فائز ہونے پر خراج عقیدت پیش کیا۔
عمر ایوب نے شہید کیپٹن اسامہ کے اہلخانہ سے دلی تعزیت کا اظہار کیا، انہوں نے کہا کہ دہشتگرد انسانیت کے دشمن ہیں ان کا کوئی مذہب نہیں ہوتا، دہشتگرد اپنے مذموم مقاصد کیلئے ملک کے امن کو سبوتاژ کرنے کی گھناؤنی سازش میں مصروف عمل ہیں۔
انہوں نے مزید کہا کہ دہشتگردی کے خلاف جنگ میں جانوں کا نذرانہ پیش کرنے والے بہادر سپوت ہمارے حقیقی ہیرو ہیں، پوری قوم دہشتگردی کے خلاف جنگ میں اپنی سکیورٹی فورسز کے شانہ بشانہ کھڑی ہے، دہشتگردوں کی بزدلانہ کارروائیاں دہشتگردی کے خلاف جنگ میں ہمارے عزم کو متزلزل نہیں کر سکتیں۔
اپوزیشن لیڈر نے شہید کیپٹن اسامہ بن ارشد کے درجات کی بلندی اور غمزدہ خاندان کے لئے صبر جمیل عطا فرمانے کی دعا۔
