کراچی: 120 ویں ویانا انٹرنیشنل روئنگ ریگاٹا 2024 میں کراچی بوٹ کلب نے پاکستان کی نمائندگی کرتے ہوئے دو برانز میڈلز اپنے نام کرلیے۔
آسٹریا کے شہر ویانا سے موصولہ اطلاعات کے مطابق پریزہ ہاورون، مرضیہ امیر شاہ میراں شاہ اور کاظمہ اعجاز پر مشتمل کراچی بوٹ کلب کی ٹیم نے انڈر17 گرلز کاسکس لیس فور ایونٹ میں تیسری پوزیشن کے ساتھ برانز میڈل جیت لیا۔
انڈر 17 بوائز کوارڈرپل اسکل ایونٹ میں سوئم رہ کر کانسی کا تمغہ پانے والی ٹیم میں عبداللہ فیصل شیخ، دانیال سلمان، محمد ابیان اور محمد علی قریشی شامل تھے۔
چیمپئن شپ میں 30 ممالک اور کلبز کی ٹیمیں شریک ہیں جبکہ پاکستان بوٹ کلب کے اسکواڈ میں 38 بوائز اور گرلز کھلاڑیوں پر مشتمل ہے۔
