گھریلو ملازمہ رضوانہ پر تشدد پوری قوم کیلئے شرمندگی کا باعث ہے، سراج الحق

لاہور:امیر جماعت اسلامی سراج الحق کا کہنا ہے کہ رضوانہ پر تشدد پوری قوم کیلئے شرمندگی کا باعث ہے۔جج کا کام لوگوں کو انصاف دلانا تھا مگر اس کے گھر کا ماحول شرمناک تھا۔

لاہور کے جنرل اسپتال میں سراج الحق نے تشدد کا شکار گھریلو ملازمہ رضوانہ کی عیادت کی۔

انہوں نے کہا کہ یہ شرمناک واقعہ ایک جج کے گھر میں ہوا، اس جج کا کام لوگوں کو انصاف دلانا تھا مگر اس کے گھر کا ماحول شرمناک تھا۔

امیر جماعت اسلامی نے یہ بھی کہا کہ یہ پہلا واقعہ نہیں، راولپنڈی میں پہلے بھی ایسا ہو چکا ہے۔