ویسٹ انڈیز نے بنگلہ دیش کو تین ٹی ٹوئنٹی میچز کی سیریز کلین سویپ کردیا ہے۔چٹوگرام میں کھیلے گئے تیسرے میچ میں ویسٹ انڈیز نے میزبان بنگلہ دیش کو 5وکٹوں سے شکست دی۔
میزبان ٹیم پہلے بیٹنگ کرتے ہوئے151رنزبناکر آؤٹ ہوئی، صرف 2بلے باز ڈبل فگر تک پہنچ سکے،تنزید حسن89رنز کے ساتھ ٹاپ سکورر رہے، سیف حسن نے23رنزجوڑے۔ ویسٹ انڈیز کے روماریو شیفرڈ نے تین، جیسن ہولڈر اورخاری پیئر نے2،2کھلاڑیوں کو چلتا کیا۔
ویسٹ انڈیز نے 152رنز کا ہدف 16.5اوورزمیں 5وکٹوں پر عبورکیا۔ کپتان روسٹن چیز اور اکیم آگسٹے نے نصف سنچریاں سکور کیں۔ عامر جانگو نے34رنزبنائے۔بنگلہ دیش کی جانب سے رِشاد حسین نے3وکٹیں اپنے نام کیں۔روسٹں چیز میچ اور روماریو شیفرڈ پلیئر آف دی سیریز قرار پائے۔
