کیلیفورنیا: آئی سی سی کرکٹ ون ڈے ورلڈکپ کا سب سے بڑا میلہ بھارت میں سج گیا ہے، ایسے میں گوگل نے بھی اپنا ڈوڈل تبدیل کردیا ہے۔
گوگل کے نئے ڈوڈل پر کرکٹ سٹیڈیم دکھایا گیا ہے جہاں پچ پر کرکٹ کھیلتی بطخیں ڈوڈل کا حصہ ہیں، ڈوڈل پر کلک کرتے ہی گوگل اپنے صارفین کو کرکٹ سے متعلق خبروں پر لے جاتا ہے۔
خیال رہے کہ کرکٹ کا عالمی میلہ آج سے بھارت میں سج گیا ہے ، ورلڈکپ میگا ایونٹ میں دُنیا کی 10 ٹیمیں ٹرافی حاصل کرنے کے لیے مقابلہ کریں گی۔
