آذربائیجان نے نگورنو کاراباخ کے سابق صدر کو جارحانہ جنگ کی منصوبہ بندی کے شبے میں گرفتار کرلیا۔سابق صدر آذربائیجان کی حراست میں ہیں۔
آذربائیجان کے پراسیکیوٹر جنرل اور سیکیورٹی سروس نے آج ایک مشترکہ بیان میں سابق صدر ارایک ہروتیونیان پر جنگی جرائم کا الزام بھی عائد کیا۔
ارایک نے باکو کی طرف سے متنازع علاقے پر حملے کے کچھ وقت بعد ہی استعفیٰ دے دیا تھا، یہ علاقہ آرمینیائی فورسز کے قبضے میں ہے۔
ارایک نے 2020 میں آذربائیجان اور آرمینیا کے درمیان ہونے والے مسلح تنازع میں علیحدگی پسند حکومت کی قیادت کی تھی۔
آذربائیجان نے کاراباخ کے متعدد سابق سول و فوجی عہدیداران کو گرفتار کیا ہے۔
آرمینیا کی وزارت خارجہ نے آذربائیجان کی طرف سے گرفتاریوں کی شدید مذمت کی ہے۔
واضح رہے کہ ستمبر کے آخر میں باکو کی طرف سے ایک دن کے مسلح آپریشن کے بعد ہی علیحدگی پسند حکام نے غیر مسلح ہونے، حکومت تحلیل کرنے اور آذربائیجان کے ساتھ شامل ہونے کا اعلان کردیا تھا۔
