نواز شریف کی خصوصی طیارے سے وطن واپسی کا شیڈول جاری

راولپنڈی:سول ایوی ایشن اتھارٹی نے سابق وزیراعظم میاں محمد نواز شریف کی خصوصی طیارے سے وطن واپسی کا شیڈول جاری کردیا، میاں نواز شریف کا چارٹر طیارے کل دوپہر ساڑھے بارہ بجے دبئی سے اسلام آباد انٹرنیشنل ائیرپورٹ پہنچے گا

سابق وزیراعظم نواز شریف کے وطن واپسی پر سول ایوی ایشن اتھارٹی کا خصوصی طیارے کا شیڈول سامنے آگیا

شیڈول کے مطابق میاں نواز شریف کا چارٹر طیارہ صبح 9 بج کر 25 منٹ پر دبئی ائرپورٹ سے پاکستان کے لیے روانہ ہوگا۔

شیڈول کے تحت چارٹر طیارے کے ذریعے میاں نواز شریف دوپہر ساڑھے 12 بجے اسلام آباد انٹرنیشنل ایرپورٹ پہنچیں گے، اسلام آباد ایرپورٹ پر 2 گھنٹے قیام کے بعد نواز شریف اسی چارٹر طیارے سے لاہور کے علامہ اقبال انٹرنیشنل ایرپورٹ روانہ ہونگے۔

چارٹر طیارے کی اسلام آباد ائیرپورٹ پر لینڈنگ کے خصوصی انتظامات کیے گئے ہیں۔