صوابی میں بارشوں، سیلابی ریلے سے 27 گھر مکمل تباہ، 42 افراد جاں بحق

صوابی: خیبر پختونخوا کے ضلع صوابی میں بارشوں اور کلاوٴڈبرسٹ کے نتیجے میں اب تک 42 افراد جاں بحق ہو چکے ہیں۔
صوابی کے گاوٴں دالوڑی بالا میں کچھ روز قبل کلاوٴڈبرسٹ کے نتیجے میں 17 گھر مکمل طور پر تباہ ہو گئے تھے، تباہ حال گھروں میں 40 افراد ملبے کے نیچے دب گئے تھے۔
ڈپٹی کمشنر صوابی نصراللہ نے بتایا کہ متاثرہ علاقے میں ریسکیو آپریشن مکمل کرلیا گیا ہے، ملبے سے 40 لوگوں کو نکالا گیا ہیجس میں 37 لاشیں اور3 زخمی شامل ہیں۔
ڈپٹی کمشنر کے مطابق سرکوئی پایاں میں بھی کلاوٴڈبرسٹ کی وجہ سے 4 افراد جاں بحق ہوئے تھے جب کہ ایک نوجوان کرنل شیر ندی کے مقام پر سیلابی ریلے بہہ گیا تھا جس کی لاش گزشتہ روز ریسکیو ٹیموں نے نکالا۔
ڈپٹی کمشنر کا کہنا تھا کہ ضلع صوابی میں بارشوں اور کلاوٴڈبرسٹ سیمجموعی طور پر 42 اموات ہوئی ہیں، کلاوٴڈبرسٹ سے دالوڑی بالا میں 17 گھر،سرکوئی میں ایک گھر مکمل طور پر تباہ ہوا جب کہ مجموعی طور پر 27 گھروں کو نقصان پہنچا ہے، متاثرہ علاقے دالوڑی بالا میں بحالی کا کام جاری ہے۔
ادھر خیبرپختونخوا کے ضلع ٹانک کا سیلابی ریلوں کے باعث درجنوں دیہات سے زمینی رابطہ منقطع ہو گیا، اب تک درجنوں مکانات منہدم ہو چکے ہیں، ایک خاتون جاں بحق اور متعدد افراد زخمی ہو گئے ہیں۔