استنبول :ترکیہ میں 6.1 شدت کا شدید زلزلہ آیا جس میں ابھی تک 22 افراد کے زخمی ہونے کی اطلاعات ہیں جبکہ تین عمارتیں منہدم ہوگئی ہیں ۔
امریکی زلزلہ پیما مرکز کے مطابق ترکیہ کے مغربی حصے میں زلزلے کے جھٹکے محسوس کئے گئے جس کے نتیجے میں فوری طور پر کسی جانی نقصان کی اطلاع نہیں ملی۔رپورٹس کے مطابق زلزلے کی شدت 6.1 ریکارڈ کی گئی جس کا مرکز بالیکسیر صوبے کے قصبے سندرگی میں تھا جبکہ گہرائی تقریبا 6 کلو میٹر ریکارڈ کی گئی۔
زلزلے کے جھٹکے استنبول، بورصہ، مانیسا اور ازمیر سمیت کئی شہروں میں محسوس کئے گئے۔ اطلاعات کے مطابق سندرگی میں متعدد عمارتوں کو نقصان پہنچا۔ زلزلے کے باعث لوگوں میں شدید خوف و ہراس پھیل گیا اور شہری خوفزدہ ہو کر گھروں سے باہر نکل آئے۔
