وادی نیلم میں گاڑی دریا میں گرنے سے 6 افراد جاں بحق

نیلم :آزاد کشمیر کے علاقے وادی نیلم میں چلہانہ کے مقام پر گاڑی خوفناک حادثے کا شکار ہو گئی، گاڑی بے قابو ہو کر کھائی میں گرنے کے بعد دریائے نیلم میں جاگری۔افسوس ناک حادثے میں گاڑی میں سوار6افراد زندگی کی بازی ہار گئے۔
حادثے کاشکار ہونے والی گاڑی وادی نیلم سے مظفرآباد آباد رہی تھی کہ چلہانہ کے مقام پر ہزاروں فٹ گہری کھائی میں گرنے کے بعد دریائے نیلم میں جا گری ۔حادثے میں 5 خواتین سمیت 6 افراد جاں بحق ہوگئے ۔
حادثے کی اطلاع ملتے ہی پولیس انتظامیہ اور ایس ڈی ایم اے کی ٹیمیں موقع پر پہنچ گئیں اور مشکل ریسکیو آپریشن کے بعد تمام چھ افراد کی میتیں نکال کر مظفرآباد روانہ کر دی گئی ہیں ۔
جاں بحق ہونے والوں کا تعلق مظفرآباد کے نواحی علاقے ٹھوٹھہ سے تھا ۔حادثے کی وجوہات کا ابھی اندازہ نہیں لگایا جا سکا ۔