لاہور:معروف گلوکار علی ظفر نے سیاست میں آنے کی خبروں کو بےبنیاد قرار دیتے ہوئے کہا ہے کہ میرا ایسا کوئی ارادہ نہیں ہے۔
سماجی رابطے کی سائٹ ٹوئٹر پر سیاست کا حصہ بننے کی خبروں کی تردید کرتے ہوئے علی ظفر نے کہا کہ اس طرح کی خبروں پر ہرگز یقین نہ کریں۔
گلوکار نے کہا کہ مجھے چند خبروں کا فیس بُک لنک شیئر کیا گیا تھا جس میں خبر تھی میں سیاست میں شامل ہورہا ہوں، ایک مرتبہ پھر واضح کردوں ایسا نہیں ہے اور نہ ہی میرا ایسا کوئی ارادہ ہے۔
گلوکار نے منفی خبریں پھیلانے والوں کو آڑے ہاتھوں لیتے ہوئے کہا کہ “تمام جھوٹی خبریں پھیلانے والو! یار خدا کا واسطہ اپنا کام ٹھیک طرح کریں، اتنی بُری ایڈیٹنگ”
علی ظفر نے مداحوں اور سوشل میڈیا صارفین سے درخواست کرتے ہوئے کہا کہ اس قسم کی خبروں پر یقین نہ کریں۔
