بالی وڈ کی نامور اداکارہ کاجول نے سوشل میڈیا سے بریک لینے کا اعلان کرتے ہوئے اپنی تمام پوسٹس ڈیلیٹ کردی ہیں
ٹوئٹر پر سوشل میڈیا سے بریک لینے کے اعلان کے ساتھ کاجول نے ایک پوسٹ شیئر کی جس میں درج تھا کہ ’ میری زندگی کی مشکل ترین آزمائش کا سامنا ہے ‘۔
ادھر کاجول نے انسٹاگرام اکاوٴنٹ سے بھی اپنی تمام تصاویر ڈیلیٹ کردی ہیں۔
خیال رہے کہ کاجول انسٹاگرام پر خاصا ایکٹو رہتی ہیں پوسٹس ڈیلیٹ کیے جانے سے قبل کاجول کے انسٹاگرام اکاوٴنٹ پر ان کی فیملی اور شوہر اجے دیوگن سمیت ، فلمی کیرئیر کی کئی تصاویر موجود تھیں جنہیں اب ڈیلیٹ کردیا گیا ہے۔
دوسری جانب اداکارہ کے پوسٹ ڈیلیٹ کیے جانے ساتھ ساتھ شیئر کیے گئے پیغام کے باعث ان کے مداح پریشان ہوگئے ہیں۔
