لندن: سابق وزیراعظم شاہد خاقان عباسی نے لندن میں میاں نواز شریف سے ملاقات کیہت جس میں سیاسی صورتحال سمیت دیگر امور پر تبادلہ خیال کیا گیا ۔
دونوں سابق وزراء اعظم کی ملاقات حسن نواز کے دفتر میں ہوئی۔
مسلم لیگ (ن) کے قائد نواز شریف سے ملاقات کرنے کیلئے شاہد خاقان عباسی خصوصی طور پر لندن پہنچے، نواز شریف اور شاہد خاقان عباسی کے درمیان ہونے والی ملاقات میں ملک کی سیاسی صورتحال پر بات چیت کی گئی ۔
لندن میں گفتگو کرتے ہوئے شاہد خاقان عباسی نے کہا ہے کہ نواز شریف سے ملاقات میں فیصلے نہیں مشاورت ہوئی ان کے ساتھ دوستی بھی ہے اور میرے لیڈر ہیں، ملاقات مثبت رہی۔
سابق وزیر اعظم شاہد خاقان عباسی نے مزید کہا ہے کہ اکتوبر نومبر میں ملک میں عام انتخابات ہونے چاہئیں، پارٹی میں کوئی اختلافات نہیں ہیں، تمام مسائل کا حل مذاکرات میں ہے۔
