راولپنڈی: سیکیورٹی فورسز نے ضلع ڈی آئی خان کے جنرل علاقے کلاچی میں انٹیلی جنس پر مبنی آپریشن کیا۔آپریشن کے دوران شدید فائرنگ کے تبادلے کے بعد تین دہشت گردوں کو جہنم واصل کر دیا گیا۔
آئی ایس پی آرکے مطابق ہلاک دہشت گردوں سے اسلحہ اور گولہ بارود بھی برآمد ہوا ہے۔مارے گئے دہشت گرد سیکورٹی فورسز، پولیس اور معصوم شہریوں کے خلاف دہشت گردی کی مختلف کارروائیوں میں ملوث تھے ۔
آئی ایس پی آرکا کہنا ہےکہ 11 اپریل 2022 کو کولاچی میں ایک پولیس پارٹی پر جملہ کرنے میں بھی انتہائی مطلوب تھے،جس کے نتیجے میں پانچ بہادر پولیس کانسٹیبل کی شہادت ہوئی۔
آئی ایس پی آرکاکہنا ہے کہ علاقے میں پائے جانے والے دہشت گردوں کو ختم کرنے کے لیے علاقے میں کلیرنس آپریشن جاری ہے۔ پاکستان کی سیکیورٹی فورسز دہشت گردی کی لعنت کے خاتمے کے لیے پرعزم ہیں۔
