اسلام آباد:اسلام آباد ہائیکورٹ نے توہین الیکشن کمیشن کیس میں سابق وفاقی وزیر فواد چوہدری کے ناقابلِ ضمانت وارنٹ گرفتاری معطل کر دیے، عدالت نے فواد چوہدری کو 20 جولائی کو الیکشن کمیشن کے سامنے پیش ہونے کا حکم بھی دے دیا ہے۔
جسٹس طارق محمود جہانگیری نے توہین الیکشن کمیشن کیس میں سابق وفاقی وزیر فواد چوہدری کی درخواست پر سماعت کی۔
فواد چوہدری کے وکیل فیصل چوہدری عدالت کے سامنے پیش ہوئے ، اسلام آباد ہائیکورٹ نے ناقابلِ ضمانت وارنٹ گرفتاری معطل کرتے ہوئے فواد چوہدری کو 20 جولائی کو الیکشن کمیشن کے سامنے پیش ہونے کا حکم دیا ہے۔
جسٹس طارق محمود جہانگیری نے ریمارکس دیئے کہ آئندہ تاریخ پر الیکشن کمیشن کے روبرو پیش نہ ہوئے تو اس کے نتائج ہونگے۔
خیال رہے کہ الیکشن کمیشن نے عدم حاضری پر فواد چوہدری کے ناقابل ضمانت وارنٹ جاری کئے تھے۔
