کراچی: نواب آف ریاست جونا گڑھ محمد جہانگیر خانجی انتقال کر گئے، نواب محمد جہانگیر کو گزشتہ روز کینسر کی تشخیص ہوئی تھی۔
نواب محمد جہانگیر خانجی کی نماز جنازہ کل بعد از نماز جمعہ جونا گڑھ ہاؤس کراچی میں ادا کی جائے گی، نواب آف جونا گڑھ کی وفات پر سیاسی، سماجی اور علمی شخصیات نے افسوس کا اظہار کرتے ہوئے ان کی وفات کو ملک اور ان کے خاندان کیلئے بڑا نقصان قرار دیا ہے۔
صاحبزادہ سلطان احمد علی نے کہا ہے کہ نواب آف جوناگڑھ محمد جہانگیر خانجی نے اپنی ساری زندگی جونا گڑھ ریاست کی آزادی کیلئے وقف کئے رکھی اور جدوجہد کو جاری رکھا، نواب محمد جہانگیر خانجی اپنا ریاستی حق حاصل کرنے کیلئے کوشاں رہے۔
