واشنگٹن:گرینڈ جیوری نے سابق امریکی صدر ڈونلڈ ٹرمپ پر جارجیا کے انتخابات میں مداخلت کے الزام پر فرد جرم عائد کر دی۔
خبر ایجنسی کے مطابق سابق امریکی ڈونلڈ ٹرمپ اور ان کے 18 اتحادیوں پر جارجیا میں 2020ء کے انتخابات میں مداخلت پر فرد جرم عائد کی گئی ہے۔
گرینڈ جیوری نے پیر کو ایک دن کی سماعت کے بعد ڈونلڈ ٹرمپ پر فرد جرم عائد کی، استغاثہ نے جارجیا میں 2020ء کے انتخابات پلٹنے کیلئے ٹرمپ کی کوششوں پر ثبوت پیش کیے تھے۔
غیرملکی میڈیا رپورٹس میں بتایا گیا ہے کہ ڈونلڈ ٹرمپ کے خلاف فرد جرم جج رابرٹ مک برنی نے جاری کی، سابق امریکی صدر ڈونلڈ ٹرمپ کے خلاف یہ چوتھا مجرمانہ مقدمہ ہے۔
