چیئرمین پی ٹی آئی کو 9 مئی کے 6 مقدمات میں شامل تفتیش کرنے کی اجازت مل گئی

لاہور: پولیس کو چیئرمین پی ٹی آئی کو 9 مئی کے 6 مقدمات کی تفتیش میں شامل کرنے کی اجازت مل گئی۔

پولیس نے 6 مقدمات کی تفتیش میں چیئرمین پی ٹی آئی کو شامل کرنے کے لیے درخواست دائر کی تھی، عدالت نے پولیس کی درخواست کو منظور کرلیا ہے۔

عدالت نے چیئرمین پی ٹی آئی کو عسکری ٹاور حملہ کیس، کلمہ چوک پر کنٹینر جلانے کے کیس، تھانہ شادمان نذر آتش کیس اور ماڈل ٹاؤن میں مسلم لیگ (ن) کا آفس جلانے کے کیس کی تفتیش میں شامل کرنے کی اجازت دے دی۔