الیکشن کمیشن نے بلوچستان، سندھ کے آئی جی اور چیف سیکرٹری کو طلب کر لیا

اسلام آباد: ملک میں عام انتخابات کے معاملہ پر الیکشن کمیشن نے بلوچستان، سندھ کے آئی جی اور چیف سیکرٹری کو 29 اگست کو طلب کرلیا۔

الیکشن کمیشن نے آئی جی، چیف سیکرٹری بلوچستان کو 29 اگست کو طلب کیا، الیکشن کمیشن نے صوبائی الیکشن کمشنر بلوچستان کو بھی 29 اگست کو مشاورت کیلئے بلا لیا۔

الیکشن کمیشن کی جانب سے آئی جی سندھ، چیف سیکرٹری سندھ کو بھی 29 اگست کو طلب کیا گیا، الیکشن کمیشن نے صوبائی الیکشن کمشنر سندھ کو بھی 29 اگست کو مشاورت کے بلایا۔

صوبائی الیکشن کمشنرسندھ انتخابی تیاریوں سے متعلق کمیشن کو آگاہ کریں گے، چیف سیکرٹری سندھ کی جانب سے صوبے میں افسران کے تقرروتبادلوں پر بریفنگ دی جائے گی۔

آئی جی سندھ امن و امان کی صورتحال اور سکیورٹی انتظامات سے آگاہ کریں گے۔