واشنگٹن:امریکہ میں کورونا وائرس کے کیسز میں ایک بار پھر اضافہ ہونے لگا جس کے باعث انتظامیہ نے نئے کووڈ بوسٹرز کی منظوری دے دی۔
غیر ملکی میڈیا کے مطابق کورونا کیسز میں اضافے کو دیکھتے ہوئے امریکی فوڈ اینڈ ڈرگ انتظامیہ نے نئے کووڈ بوسٹرز کی منظوری دے دی ہے، میڈیکل کمپنیوں کے نئے بوسٹرز کورونا کے ایکس بی بی ویئرینٹ کو ہدف بنا رہے ہیں۔
ایف ڈی اے کے ڈائریکٹر کا کہنا ہے کہ ویکسی نیشن عوامی صحت کیلئے اہم ہے، کووڈ کے خلاف مسلسل تحفظ کیلئے بوسٹر ضروری ہے، 5 سال سے زیادہ عمر کے بچے بھی کووڈ ویکسین کی خوراک کے کم ازکم 2 ماہ بعد بوسٹرکے اہل ہیں.
