خاتون کو بچانے کیلئے نہر میں چھلانگ لگانے والا کانسٹیبل خود بھی ڈوب گیا

منڈی بہاؤالدین، نامعلوم خاتون کو بچانے کے لیے نہر میں چھلانگ لگانے والا کانسٹیبل ڈوب کر جاں بحق ہوگیا۔

منڈی بہاؤالدین مانو چک کے قریب نامعلوم خاتون نے نہر آر کیو لنک میں چھلانگ لگا دی ، خاتون کو بچانے کیلئے کانسٹیبل شبیر میکن بھی نہر میں کود گیا۔

ریسکیو ذرائع کے مطابق تھانہ بھاگٹ کا کانسٹیبل نہر کے گہرے پانی میں ڈوب کر جاں بحق ہوگیا۔

ڈی پی او رضا صفدر کاظمی کی نگرانی میں رات کو بھی ریسکیو آپریشن جاری ، ریسکیو نے بڑی سرچ لائٹ لگا کر آپریشن شروع کر دیا۔