بیجنگ:ایشین گیمز کے کبڈی ایونٹ میں پاکستان نے سیمی فائنل تک رسائی حاصل کرکے میڈل یقینی بنا لیا، آخری گروپ میچ میں پاکستان نے ملائیشیا کو 35 کے مقابلے میں 58 پوائنٹس سے ہرا دیا
ایشین گیمز کے کبڈی ایونٹ میں پاکستان نے آخری گروپ میچ میں ملائیشیا کے خلاف بھی شاندار کھیل کا مظاہرہ کیا۔ میچ کے ابتدا سے آخر تک قومی کھلاڑی چھائے رہے۔
پاکستان نے میچ میں آٹھ آل آؤٹ اور 7 بونس پوائنٹس سمیت 58 پوائنٹس اسکور کیے، ملائیشا کی ٹیم 35 پوائنٹس بنا سکی، پاکستان نے اس شاندار فتح کے ساتھ سیمی فائنل کےلیے کوالیفائی کر لیا، ساتھ ہی ایک میڈل بھی یقینی بنا لیا۔
جیولن تھرو میں ارشد ندیم کی دستبرداری کے بعد پاکستانیوں کی توجہ کا مرکز یاسر علی تھے، جنہوں نے 78 اعشاریہ 13 میٹر دور جیولن تھرو کیا۔ یاسر علی کی ایونٹ میں چوتھی پوزیشن رہی۔
گولڈ میڈل بھارت کے نیرج چوپڑا اور سلور میڈل کیشور کمار جبکہ برانز میڈل جاپان کے روڈ رک جینکی کے نام رہا۔
مینز کی 5 ہزار میٹر ریس میں پاکستان کے محمد اختر 17ویں نمبر پر رہے، ہائی جمپ میں پاکستان کے شہروز خان کا 12 ایتھلیٹس میں آخری نمبر رہا۔
