غزہ:اسرائیل کی مکمل ناکہ بندی کے بعد غزہ کے واحد بجلی گھر کا ایندھن ختم ہو گیا، جس کے باعث غزہ میں بجلی کی فراہمی مکمل طور پر منقطع ہو گئی۔
عرب میڈیا کے مطابق بجلی کی فراہمی منقطع ہونے کے بعد غزہ کی پٹی میں بجلی کی ترسیل مکمل طور پر بند ہوچکی ہے، غزہ میں بجلی کے واحد پاور اسٹیشن نے بھی کام کرنا بند کر دیا ہے۔
اسرائیل نے پیر سے غزہ میں بجلی، ایندھن، خوراک اور پانی کی فراہمی بند کر دی تھی۔
ادھر برطانوی وزیر خارجہ جیمز کلیورلی اسرائیلی حکام کو برطانوی حمایت کا یقین دلانے اسرائیل پہنچ گئے۔
خبر ایجنسی کے مطابق جمیز کلیورلی اسرائیلی حکام سے ملاقات میں موجودہ صورتحال پر تبادلہ خیال کریں گے اور اسرائیل کے دفاع کے لیے برطانوی حمایت کی یقین دہانی کرائیں گے۔
اسرائیل پر حماس کے حملے میں ابھی تک سترہ برطانوی شہریوں کے ہلاک یا لاپتہ ہونے کی اطلاعات ہیں۔
