راولپنڈی:شمالی اور جنوبی وزیرستان کے اضلاع میں سیکیورٹی فورسز اور دہشت گردوں کے درمیان دو شدید مقابلے ہوئے۔ دو دہشت گرد مارے گئے جبکہ 2 جوان شہید ہو گئے ۔
آئی ایس پی آر کے مطابق 16 اکتوبر کو شمالی اور جنوبی وزیرستان کے اضلاع میں سیکیورٹی فورسز اور دہشت گردوں کے درمیان دو شدید مقابلے ہوئے۔
آئی ایس پی آرکا کہنا ہے کہ پہلی جھڑپ ضلع جنوبی وزیرستان کے جنرل ایریا اسمان منزہ میں ہوئی۔سیکیورٹی فورسز نے دہشت گردوں کے ٹھکانے کو موثر انداز میں نشانہ بنایا ۔
آئی ایس پی آر کے مطابق فائرنگ کے نتیجے میں ایک دہشت گرد کو جہنم واصل کر دیا گیا۔جبکہ ایک دہشت گرد زخمی ہو گیا۔ تاہم شدید فائرنگ کے تبادلے کے دوران سپاہی ساجد اعظم نے بہادری سے لڑتے ہوئے شہادت کو گلے لگا لیا۔
آئی ایس پی آرکا کہنا ہے کہ شمالی وزیرستان کے ضلع میران شاہ کے عام علاقے میں سیکیورٹی فورسز اور دہشت گردوں کے درمیان ایک اور شدید فائرنگ کے تبادلے میں ایک دہشت گرد کو جہنم واصل کیا گیا۔جبکہ ایک بہادر فرزند، سپاہی وارث خان نے جان کی قربانی دی اور شہادت کو گلے لگا لیا۔
آئی ایس پی آرکا کہنا ہے کہ علاقے میں پائے جانے والے دہشت گردوں کو ختم کرنے کے لیے کلیرنس اپریشن کی جا رہا ہے ۔
آئی ایس پی آر کے مطابق پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں ۔جوانوں کی ایسی قربانیاں ہمارے عزم کو مزید مضبوط کرتی ہیں۔
