اسلام آباد:پاکستانی مقتول صحافی ارشد شریف کی بیوہ نے کینیا کی پولیس پر مقدمہ دائر کردیا۔
خبر ایجنسی کے مطابق کینیا میں قتل ہونے والے صحافی ارشد شریف کی بیوہ جویریہ صدیق کے وکیل نے مقدمہ دائر کرنے کی تصدیق کی ہے۔
انہوں نے خبر ایجنسی سے گفتگو میں بتایا کہ نیروبی میں کینیا پولیس کے خلاف ارشد شریف کے قتل کا مقدمہ درج کرا دیا گیا ہے۔
وکیل بیوہ ارشد شریف نے مزید کہا کہ عدالت سے کیس نمبر اور مزید ہدایات کا انتظار کر رہے ہیں۔
بیوہ ارشد شریف کا کہنا تھا کہ ایک سال سے انصاف کےلیے لڑ رہی ہوں، کینیا کی پولیس نے میرے شوہر کے قتل کا اعتراف کیا لیکن معافی نہیں مانگی۔
