اسلام آباد:جنرل ریٹائرڈ قمر جاوید باجوہ،جنرل ریٹائرڈ فیض حمید کے خلاف اندراج مقدمہ کی درخواست 28 نومبرکو اسلام آباد ہائی کورٹ میں سماعت کے لیے مقرر کر دی گئی
اسلام آباد ہائیکورٹ کے رجسٹرار آفس نے آئندہ ہفتے کیسز کی سماعت کے لیے کاز لسٹ جاری کر دی ہے ۔
جنرل ریٹائرڈ قمر جاوید باجوہ،جنرل ریٹائرڈ فیض حمید کے خلاف اندراج مقدمہ کی درخواست 28 نومبرکو چیف جسٹس عامر فاروق کی عدالت میں سماعت کے لئے مقرر کی گئی ہے۔
شہری سید محمد عاطف علی نےجنرل ریٹائرڈ باجوہ،جنرل ریٹائرڈ فیض حمید و دیگر کےخلاف اندراج مقدمہ کی درخواست دائر کر رکھی ہے جس میں استدعا کی گئی ہے کہ ایف آئی اے کو فریقین کے خلاف مقدمہ درج کرکے کاروائی کرنے کے احکامات جاری کیے جائیں ۔
عدالت مقدمہ اندراج کی گزشتہ سماعت پر ایف آئی اے،جنرل ریٹائرڈ باجوہ اور جنرل ریٹائرڈ فیض حمید کو نوٹس جاری کر کے جواب طلب کر چکی ہے۔