اسلام آباد:فیض آباد دھرنا کمیشن میں لیفٹیننٹ جنرل (ر) فیض حمید کو بلانے کی تیاریاں کرلی گئی ہیں۔ کمیشن نے ان کے لیے سوالنامہ تیار کرلیا۔
نجی ٹی وی کا اپنی رپورٹ میں ذرائع کے حوالے سے کہنا ہے کہ کمیشن رواں ہفتے کے آخر تک فیض حمید کو اگلے ہفتے طلبی کا نوٹس جاری کرسکتا ہے۔
ذرائع نے بتایا کہ کمیشن میں آئی بی افسر ساجد کیانی نے تین گھنٹے طویل بیان ریکارڈ کروادیا ہے۔
ذرائع کا کہنا تھا کہ ساجد کیانی 2017 میں ایس ایس پی آپریشنز اسلام آباد تھے، ساجد کیانی نے ٹی ایل پی کے خلاف آپریشن میں کسی بیرونی مداخلت کی تردید کی۔
