ملک میں مسلسل دوسرے ہفتے مہنگائی کی شرح میں کمی

اسلام آباد:ملک میں مسلسل دوسرے ہفتے مہنگائی کی شرح میں کمی جاری رہی البتہ مہنگائی کی شرح میں کمی کی رفتار میں سست روی دیکھنے میں آئی ہے حالیہ ہفتے مہنگائی کی شرح میں 0.51فیصد کمی واقع ہوئی جبکہ سالانہ بنیادوں پر مہنگائی کی شرح ابھی بھی42.60فیصد ہے۔

وفاقی ادارہ شماریات کی مہنگائی کی ہفتہ وار رپورٹ جاری کردی۔

وفاقی ادارہ شماریات کی جانب سے جاری کردہ اعداد و شمار کے مطابق ایک ہفتے کے دوران 18 اشیاء کی قیمتوں میں اضافہ جبکہ9 اشیائے ضروریہ کی قیمتوں میں کمی ہوئی اور 24 اشیائے ضروریہ کی قیمتیں مستحکم رہی ہیں۔

اعدادوشمار میں بتایاگیا ہے کہ حالیہ ایک ہفتے کے دوران انڈے،پیاز،لہسن اور دالوں حالیہ ایک ہفتے کے دوران انڈوں کی قیمتوں میں10.42فیصد،آگ جلانے والی لکڑی کی قیمتوں میں 1.23فیصد اضافہ ،پیاز کی قیمتوں میں1.19 فیصد ،دال مونگ کی قیمتوں میں0.58 فیصد ،دال چنا کی قیمتوں میں0.79 فیصد ،دال مسور کی قیمتوں میں0.38 فیصد جبکہ ایل پی جی کی قیمتوں میں0.26 فیصد اضافہ ہوا ہے۔

اعدادوشمار کے مطابق حالیہ ہفتے آلو،ٹماٹر،چینی اور پٹرولیم مصنوعات سمیت جن اشیاء ضروریہ کی قیمتوں میں کمی واقع ہوئی ہے ان میں سیآلو کی قیمتوں میں13.17فیصد کمی،ٹماٹر کی قیمتوں میں3.45 فیصد ،چینی کی قیمتوں میں1.60فیصد ،گندم کے آٹے کی قیمتوں میں0.33 فیصد ،چکن کی قیمتوں میں0.13فیصد ،ٹوٹا چاول کی قیمتوں میں0.11فیصد ،ککنگ آئل کی قیمتوں میں0.07فیصد ،پٹرول کی قیمت میں4.91فیصدکمی جبکہ ہائی اسپیڈ ڈیڑل آئل کی قیمت میں4.68 فیصد کمی واقع ہوئی ہے۔

اعدادوشمار میں بتایا گیا ہے کہ حالیہ ہفتے کے دوران حساس قیمتوں کے اعشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کیلئے مہنگائی کی شرح میں35.13فیصد، 17 ہزار 733روپے سے 22 ہزار 888روپے ماہانہ تک آمدنی رکھنے والے طبقے کیلئے مہنگائی کی شرح میں40فیصد، 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کیلئے مہنگائی کی شرح میں46.40فیصد رہی۔

اعدادوشمار میں بتایا گیا ہے کہ 29 ہزار 518روپے سے 44ہزار 175 روپے ماہانہ تک آمدنی رکھنے والے طبقے کیلئے مہنگائی کی شرح 43.74فیصد رہی جبکہ 44 ہزار 176روپے ماہانہ سے زائد آمدنی رکھنے والے طبقے کیلئے مہنگائی کی شرح 40.83فیصدرہی ہے۔۔