راولپنڈی:فیض آباد دھرنا کے سلسلے میں کمیشن کی تحقیقات جاری، شہبازشریف بیان ریکارڈ کرانے کیلئے کمیشن کے سامنے پیش نہ ہوئے۔
دھرنا کمیشن کے مطابق فیض آباد دھرنا کے وقت شہبازشریف وزیراعلیٰ پنجاب تھے، تحقیقات کی رپورٹ تیار کرکے سپریم کورٹ میں جمع کرائی جائے گی۔
سپریم کورٹ کے حکم پر فیض آباد دھرنا کی تحقیقات کیلئے قائم سابق آئی جی اختر علی شاہ کی سربراہی میں کمیشن کی تحقیقات جاری ہے۔
کمیشن نے شہبازشریف کو بحیثیت سابق وزیراعلیٰ پنجاب بیان ریکارڈ کرانے کیلئے طلب کیا تھا مگر شہبازشریف پیش نہ ہو سکے۔
فیض آباد دھرنا کمیشن نے اس سے قبل سابق وزیراعظم شاہد خاقان عباسی، سابق وزیر داخلہ احسن اقبال، سابق سیکرٹری فواد حسن فواد سمیت بیورو کریسی اور پولیس افسروں کے بیان بھی ریکارڈ کئے ہیں۔
