بلاول بھٹو کل لاہور آئیں گے، اہم شخصیات کی پیپلز پارٹی میں شمولیت متوقع

لاہور: پاکستان پیپلز پارٹی کے چیئرمین و سابق وزیر خارجہ بلاول بھٹو زرداری کل لاہور آئیں گے۔

چیئرمین پیپلز پارٹی لاہور میں کل اپنے حلقہ این اے 127 میں ایک عشائیہ میں شرکت کریں گے، وہ لاہور میں مختلف حلقوں کے امیدواروں کی ٹکٹوں کو بھی حتمی شکل دیں گے۔

ذرائع کے مطابق بلاول بھٹو زرداری سے کل ملاقات کے دوران کچھ اہم سیاسی شخصیات پیپلزپارٹی میں شمولیت کا بھی اعلان کریں گی۔