اسرائیل کے خلاف نسل کشی کا الزام جھوٹا ہے،نیتن یاہو کا عالمی عدالت انصاف کے فیصلے پر ردعمل

تل ابیب:اسرائیلی وزیر اعظم نیتن یاہو کا عالمی عدالت انصاف کے فیصلے پر ردعمل سامنے آگیا۔

نیتن یاہو نے اپنے بیان میں کہا کہ اسرائیل بین الاقوامی قوانین کی پاسداری کرتے ہوئے اپنا اور اپنے شہریوں کا دفاع جاری رکھے گا، اسرائیلی کو اپنے دفاع کا پورا اختیار حاصل ہے۔

انہوں نے کہا کہ اسرائیل کے خلاف نسل کشی کا الزام جھوٹا اور اشتعال انگیز ہے، ہماری جنگ حماس کے خلاف ہے، فلسطینیوں کیخلاف نہیں ، اسرائیل حماس کے خلاف جنگ جاری رکھے گا۔